ИЧКЕ-ЖЫЛГА КӨРҮСТӨНҮ
ИЧКЕ-ЖЫЛГА КӨРҮСТӨНҮ – б. з. ч. 1-миң жылдыктан б. з. 14-к-на чейин жашаган көчмөн уруулардын мүрзөлөрү. Дөбө-Коргондун бийикт. 0,3–3 м. Кочкор өрөөнүндөгү Шамшы айылынын түш.-батыш тарабында жайгашкан. Дөбө ж-а таш мүрзөлөрдөн турат. 1954-ж. А. К. Кибиров казып изилдеген. Казуу учурунда 11–14- к-га тиешелүү карапа идиштер, ээр, темир үзөңгү, жаанын жебелери, саадак, о. эле чий, чүпүрөк калдыктары, канжар, колодон жасалган кемер курдун тоголору табылган. Күйгүзүлүп көмүлгөн буюмдардын өзүнчө чуңкурчада жайгашканы енисей кыргыздарынын сөөктү көмүү салтына окшошуп кетет.