ГЕТЕРОДИН

ГЕТЕРОДИ́Н (гетеро... ж-а гр. denamis – күч) – транзистордо, жарым өткөргүчтүү диоддо же электрондук лампада колдонулуучу өзү дүүлүгүүчү электр термелгичтүү, кубатуулугу аз генератор. Г. кошумча жыштыктуу термел үүлөрдү пайда кылат, алар жогорку жыштыктуу сырттан келген термелүүлөр м-н кошулганда туруктуу (орто аралык) жыштык пайда болот. Г-де жыштык дайыма туруктуу болуп, амплитудасы кичине гармониялык термелүүгө ээ болууга тийиш. Супер Г-дүү радио кабыл алгычтарда, радиоөлчөөчү түзүлүштөрдө ж. б-да Г. жыштыкты өзгөртүү (аралаштыруу) үчүн колдонулат.