ГИДРОМОДУЛЬ

ГИДРОМО́ДУЛЬ (гидро... ж-а лат. modulus – чен, өлчөм) – белгилүү мезгилде (1 сезондо) 1 га а. ч. өсүмдүгүн сугарууга чыгымдалган сугат суусунун орт. өлчөмү (л м-н). Г. гектарына л/сек м-н белгиленет. Сууну керектөөчү Г. (сугат тармагына кеткен суу чыгымын эсепке албагандагы 1 га аянтка чыгымдалган суу) ж-а сууну пайдалануучу Г. (сугат тармагына кеткен чыгымды эсепке алгандагы 1 га аянтка чыгымдалган суу) болуп айырмаланат. Г-ду ж-а сугат аянтын билип, бир жолку сугатка ж-а бүт сугат мезгили үчүн керектелүүчү суунун өлчөмүн аныктоого болот.