ГАРЕЕВ КҮЗДҮГҮ

ГАРЕЕВ КҮЗДҮГҮ – алма сорту. Курск ренети м-н боровинка алма сортторун кыйыштыруудан алынган. Анча бийик эмес, сейрек бутактуу, жыш мөмөлөйт. Суукка байымдуу, 4–5 жылдык дарагы мол түшүм бере баштайт. Темп-ранын тез өзгөрүшү ага көп таасир этпейт. Мөмөсү тоголок же сүйрү, орт. салм. 120 г, саргыч, мала кызыл, ширелү, даамдуу. Сентябрдын башында бышат, ноябрдын ортосуна чейин сакталат. Г. к. КР ИАнын Ботаника багында чыгарылып, Э. З. Гареевдин атынан аталган.