БҮРГӨНДҮ ЧОПО КЕНИ

БҮРГӨНДҮ ЧОПО КЕНИ Жалал-Абад обл-нун Ноокен р-нунда, Бүргөндү кыш-нан 3 км батышта, деӊиз деӊг. 760–800 м бийиктикте. 1990-ж. Түштүк Кыргыз геол. экспедициясы чалгындаган. Төртүнчүлүк мезгилинде пайда болгон, калыӊдыгы 15 мден ашкан кумайлуу чопо катмары конгломераттын үстүндө жатат. Кумайлуу чопо тыгыз, көзөнөктүү, бир түрдүү. «75», «100» маркадагы кыш өндүрүүгө жарамдуу. Запасы А категориясы б-ча 250 миӊ м³, В–490 миӊ м³, С1–1380 миӊ м³.