БОНИ́СТИКА

БОНИ́СТИКА – 1) кагаз банкноттордун, лотерея билеттердин, баалуу кагаздардын ж.б. коллекцияларын жыйноо; 2) кагаз банкнотторду, облигацияларды изилдөөчү илим. Нумизматика м-н тыгыз байланышта. Б. 19-к-дын 70-ж-нда пайда болгон. Биринчи дүйнөлүк согуш жылдары ж-а кийинки мезгилде (1920-жылдардын ортосуна чейин) акчанын чыныгы наркынын төмөндөшү м-н алгач Германияда ж-а Россияда, кийин башка өлкөлөрдө суррогаттарынын коллекциялары жыйнала баштаган.