БОРУКЕ МӨӉГҮЛӨРҮ

БОРУКЕ МӨӉГҮЛӨРҮ – Борб. Теӊир-Тоодогу татаал өрөөн тибиндеги эки мөӊгү (Чыгыш ж-а Батыш). Тескей Ала-Тоонун түн. капталынан агып түшкөн Үч-Көл суусунунун алабында жайгашкан. Бул мөӊгүлөр к-дын башында аянты 22,9 км² келген бир мөӊгү болгон, эрип чегинүүдөн экиге бөлүнгөн. Ч ы г ы ш Б о р у к е мөӊгүсүнүн уз. 7,5 км, аянты 11,1 км². Мөӊгүнүн башы деӊиз деӊг. 5040 м, этеги 3840 м бийиктикте жатат, кар чегинин бийикт. 4325 м. Б ат ы ш Б о р у к е мөӊгүсүнүн уз. 6 км, аянты 10,4 км². Мөӊгүнүн башы деӊиз деӊг. 4940 м, этеги 3800 м бийиктикте жатат. Б. м-нүн куралуу облусу бөлөк болгону м-н этеги барып биригет. Абляция облусунун жалпы аянты 9,0 км², муздун көлөмү 1,86 км³. Мөӊгүдөн Үч-Көлдүн курамы Боруке суусу башталат.