БАРДЕӉКЕ

БАРДЕӉКЕ, б е р д а н к а – мылтыктын бир түрү. Адегенде амер. полковник Х. Бердан тарабынан иштелип чыгып, 19-к-дын 60-ж-нда орус инженерлери А. П. Горлов ж-а К. И. Гуниус бир кыйла өркүндөтүшүп, АКШда ал «орус мылтыгы» деген ат м-н белгилүү болгон. Б. милтелүү мылтыкка караганда атууга ийкемдүү, бир атар мылтык. Орус армиясынын аскерлери 1868–91-ж. куралданган. Кийин кыргыз элине да кеӊири тарап, аӊчылыкка ж. б-га колдонушкан. Учурда Б-ни музейден гана кездештиребиз.