БАРОМЕТРЛИК НИВЕЛИРЛӨӨ

БАРОМЕТРЛИК НИВЕЛИРЛӨӨ – жер бетиндеги эки чекиттин бийиктик айырмасын аныктоо үчүн колдонулуучу ыкма. Б. н. бийиктикке көтөрүлгөн сайын абанын басымы төмөндөй тургандыгына негизделип, атм-нын басымын өлчөө м-н жүргүзүлөт. Эки чекиттин бийиктик ж-а атм. басым айырмаларынын ортосундагы байланыш барометрдик формула б-ча эсептелет. Басым барометр, анероид м-н өлчөнүп, темп-ра ж-а нымдуулукка карай түзөтүүлөр киргизилгенден кийин, бийиктикти 3 мге чейинки тактыкта аныктоого болот.