БАТОМЕТР
БАТО́МЕТР – суунун физ., хим. касиеттерин, анын курамындагы орг. эмес заттарды изилдөө максатында көлмөнүн тереӊдигинен суу алуу үчүн колдонулуучу прибор. Иштөө принциптери б-ча Б. тез ж-а жай толмо болуп бөлүнөт. Практикада көбүнчө 2 учунда жабылмалуу капкакчасы м-н оодарылмалуу термометри бар ичке латунь цилиндиринен (көлөмү 300–1000 см3) турган Б. колдонулат. Ал зым арканга байланып, капкактары ачык б-ча сууга тик ылдый чөгөрүлөт. Белгилүү тереӊдикке жеткенде, анын артынан түшүрүлгөн жүктүн жардамы м-н капкактарды кармап турган тетик бошоп, цилиндр жабылат да, суу анын ичинде калат.