БАРСКОН

БАРСКОН – Ысык-Көл обл-нун Жети-Өгүз р-нундагы кыштак. Барскон айыл округуна караштуу. Ысык-Көлдүн түштүгүндө, Барскон суусунун оӊ өйүзүндө, Тескей Ала-Тоонун этегинде, деӊиз деӊг. 1680 м бийиктикте жайгашкан. Райондун борбору Кызыл-Суу кыш-нан 45 км батыш тарапта. Балыкчы темир жол бекетинен 144 км. 1911-ж. орношкон. Калкы 6075 (2009); дыйканчылыкта ж-а мал чарбасында эмгектенет. Орто мектеп, кесиптик-тех. окуу жайы, медпункт, мад-т үйү, китепкана, соода борборлору бар. Улуу Ата Мекендик согушта курман болгондорго эстелик тургузулган.