БОРБОРДУК ФРАНЦИЯ МАССИВИ

БОРБОРДУК ФРА́НЦИЯ МАССИВИ – Франциянын борб. ж-а түш. бөлүктөрүндөгү тоолор. Базальт платосунан ж-а бөксө тоолордон байыркы өчкөн жанар тоо конустары көтөрүлүп турат. Эӊ бийик жери 1886 мге чейин (Мон-Дор тобундагы Пюи-де-Санси чокусу). Түштүгүн Кос карст платосу, түш.-чыгышын Севен тоолору ээлейт. Жазы ж-а ийне жалбырактуу токой, 1400 мден жогору шалбаа, бадал өсүмдүктөрү өсөт. Минералдуу суу булактары, курорттору (Виши ж. б.) бар.