БИР КЛЕТКАЛУУЛАР

БИР КЛЕТКАЛУУЛАР – денеси бир клеткадан турган организмдер. Буларды микроскопсуз жөнөкөй көз менен көрүүгө болбойт. Өсүмдүк дүйнөсүндөгү Бир клеткалуулар – п р о т о ф и т т е р, ал эми жаныбарлардыкы п р о т о з о а деп аталат. Алар бөлүнүү жана жыныс жолу (коньюгация) менен көбөйөт. Бактериялар, балырлар менен кээ бир козу карындардын, жөнөкөйлөрдүн көпчүлүгү Бир клеткалуу, булар сууда, топуракта жана организмдерде (мителер) жашайт. Жаныбар жана өсүмдүктө жашагандары аларды жабыркатат.