БРУДНЫЙ Абрам Львович

БРУ́ДНЫЙ Абрам Львович (7. 11. 1896 – 10. 2. 1959, Фрунзе) – отоларинголог, медицина илимд. доктору (1943), проф. (1951). Кыргыз ССРнин илимге эмг. сиӊ. ишмери (1944). Ленинград медицина ин-тун бүтүргөн (1923). 1926-жылдан Фрунзедеги клиникалык оорукананын отоларингология бөлүмүнүн башчысы. 1941-жылдан КММИнин кафедра башчысы болуп иштеген. Анын негизги эмгектери дүлөй, начар уккандарды ж-а угуу нервинин ооруларын дарылоого арналган. Эмгек Кызыл Туу, Кызыл Жылдыз, «Ардак Белгиси» ордендери ж-а медалдар м-н сыйланган.