БУЛЬДОЗЕР

БУЛЬДО́ЗЕР (англ. bulldozer) – 1) жер түзөтүүчү машина. Негизги иштөөчү органы – асма сүргүч калак, ал түртүүчү рама м-н трактордун же өзү жүрүүчү шассинин кронштейнине бекитилет. Калак гидравликалык жабдуу аркылуу иш учурунда жерге түшүрүлүп, артка жүргөндө же жер которууда өйдө көтөрүлөт. А. ч-нда жер тегиздөө, кык чыгаруу, аӊ казуу ж-а толтуруу, канал, жол куруу, суу чарба курулуштарында колдонулат. 2) Тетикти ийүүчү, түзөтүүчү ж-а штамптоочу пресс.