БЬЁРНДАЛЕН

БЬЁРНДАЛЕН (Bjоerndalen) Оле Эйнар (27.01.1974-жылы туулган, Драммен) – норвегиялык спортчу, спорт тарыхындагы бирден бир биатлончу. Олимпиа оюндарынын 5 жолку (Наганодо бир, 1998; Солт-Лейк-Ситиде 4 алтын медаль, 2002), дүйнөнүн бир нече (2 алтын, 2003; 4 алтын, 2005) жолку чемпиону, Дүйнө кубогунун (2003 жана 2005) ээси, Туриндеги кышкы Олимпиа оюндарында күмүш медалга (2006), ар кандай дистанцияда Дүйнө биринчилигинин жана Дүйнө кубогунун көп жолку призеру.