БҮРГӨНДҮ

БҮРГӨНДҮ – Жалал-Абад облусунун Ноокен районундагы кыштак. Бүргөндү айыл округуна караштуу. Райондун борбору Масы кыштагынан 40 км батыш тарапта. Жалал-Абад темир жол бекетинен 88 км. Бишкек – Ош жолунун боюнда, деӊиз деӊгээлинен 645 м бийиктикте жайгашкан. Калкы 1820 (2002); негизинен дыйканчылыкта эмгектенет. Орто мектеп, китепкана, турмуш-тиричилик комбинатынын бөлүмдөрү, оорукана бар. Кыштакта Социалисттик Эмгектин Баатыры Ю. Момбеков туулган.