БОРМАШИНА

БОРМАШИ́НА – тиштин катуу тканын тазалап, дарылоодо колдонулуучу медициналык аспап. Бормашинанын кесүүчү бөлүгү – бор, ал болот, алмаз же карборунддан жасалган баш бөлүктөн жана тулкудан турат. Бут менен кыймылга келтирүүчү, электрдик жана турбиналык (баралык) болот. Электр бормашинасын электр кыймылдаткыч кыймылга келтирет. Турбиналуу бормашина учунда жайгашкан турбинадан (бара) чыккан кысылган буу агымы менен кыймылга келет. Бордун айлануу жыштыгы электр бормашинаныкы 30 миӊ айл/мин, турбиналуунуку 350 айл/мин. Айлануу жыштыгы канчалык чоӊ болсо, оору анча сезилбейт.