БОЧКАРЁВА Аграфина Терентьевна

БОЧКАРЁВА Аграфена Терентьевна (1902, Аламүдүн району, Лебединовка айылы – 1974, Фрунзе) – кызылчачы, Социалисттик Эмгектин Баатыры (1949). Эмгек жолун 1930-жылы Ворошилов районундагы «Гигант» колхозунда (кийин Аламүдүн району, Куйбышев атындагы совхоз) колхозчу, звено башчысы болуп иштөөдөн баштаган. Анын звеносу 1947-жылы 7,65 га аянттагы кант кызылчасынын ар гектарынан 692 цден, 1948-ж. 3,5 га аянттагы кант кызылчасынын ар гектарынан 857 цден түшүм жыйнаган. Эки Ленин ордени менен сыйланган.