ВАРФОЛОМЕЙ ТҮНҮ

Кыргызстан Энциклопедия жана Терминология Борбору дан
07:08, 27 Май (Бугу) 2024 карата Temirkan (талкуу | салымы) тарабынан жасалган версия
(айырма) ← Мурунку нускасы | Соңку нускасы (айырма) | Жаңыраак нускасы → (айырма)
Навигацияга өтүү Издөөгө өтүү

ВАРФОЛОМЕ́Й ТҮНҮ – 1572-жылы 24-август түнү Парижде гугенотторго католиктердин кыргын салышы. Кийин ал кыргын өлкөнүн башка провинцияларына да жайылган. Ич ара каршылашып келген католиктер менен гугеноттор 1572-жылы өз ара тынчтык келишим түзүшүп, аны француз

«Варфоломей түнү». Ф. Дюбуанын картинасы 16-к.
Карнавале музейи (Париж).

королу Карл IXнун карындашы Маргарита Валуа менен гугеноттордун башчысы Генрих Наварранын никеси аркылуу бекемдөөнү макулдашышкан. Королева Екатерина Медичи жана Гизы католиктеринин башчылары гугеноттордун күч алып кетишинен чочулап, нике тойго чакырылган бир нече миӊдеген дворян-гугенотторду өлтүрүүнү чечишет. Болочок король Генрих IVнүн үйлөнүү тоюн өткөрүп жаткан түнү (ыйык Варфоломей майрамына тушташ) 3000ден ашуун гугенотту өлтүрүшкөн. 25-августтан 3-октябрга чейин Франциянын башка шаарларында да он миӊге жакын гугеноттор кырылган. Варфоломей түнүнүн натыйжасында өлкөдө диний согуштар кайрадан жанданган. Ушундан улам «Варфоломей түнү» түшүнүгү атайын уюштурулган массалык кыргынды билгизип калган.
Ад.: Варфоломеевская ночь: События и споры. М., 2001.