ВЕКУА

ВЕ́КУА Илья Несторович [23.4(6. 5).1907, Грузия, Шешелеты айылы – 2.12. 1977, Тбилиси] – орус ж-а грузин математиги ж-а механиги, СССР ИАнын корр. мүчөсү (1946), академиги (1958) ж-а ГССР ИАнын академиги (1946), Соц. Эмг. Баатыры (1969). Тбилиси ун-тин бүтүп (1930), Тбилиси ун-тинде, ГССР ж-а СССР ИАда иштеген. Новосибирск ун-тинин ректору (1959–64), Тбилиси ун-тинин ректору (1965–72), 1972-жылдан ГССР ИАнын президенти. В-нын негизги эмгектери азыркы матем. физиканын жаӊы ил. багыттарына, айрым туундулуу дифференциал теӊдемелер б-ча эмгектери эллипс тибиндеги теӊдемелердин кеӊири классынын анализдик теориясын түзүүгө арналган. В. бир өлчөмдүү сингулярдык интеграл теӊдемелер теориясына ири салым киргизген, фредсольмдук эмес эллипстик чет маселелердин жаӊы түрүн ачкан ж-а изилдеген. СССР мамл. (1950) ж-а Ленин сыйл. (1963) лауреаты. Беш Ленин, «Ардак Белгиси» ордендери ж-а медалдар м-н сыйланган.