БАТЫРЧАЕВ Ибраим Эстебесович

БАТЫРЧАЕВ Ибраим Естебесович (1932-жылы туулган, Ысык-Көл облусу, Түп району, Сары-Дөбө айылы) – химик, техника илимдеринин доктору (1974), профессор (1981). Кыргыз мамлекеттик университетин (1955), Кыргыз ССР Илимдер академиясынын химия институтунун аспирантурасын (1958) бүтүргөн. Кыргыз ССР Илимдер академиясынын химия институтунда илимий кызматкер, лаборатория башчы, Фрунзедеги политехникалык институтунда профессор. 1995-жылдан Кыргыз мамлекеттик курулуш, транспорт жана архитектура университетинде кафедра башчысы болуп иштеген. Органикалык эмес материалдардын технологиясын изилдеген.
Эмг.: Природные соли Киргизии и их использование. Ф., 1975; Физико-химические основы комплексной переработки нерудного сырья Киргизии. Ф., 1978; Инженерная экология и строительные материалы Киргизии. Ф., 1989.