ВЕРСТАК

ВЕРСТА́К (нем. Werkstatt – устакана) – иштетилүүчү буюмду бекитүүчү жабдуусу, айрым учурда механикалаштырылган аспабы ж. б. бар жумушчу стол. Ал бир ж-а көп орундуу болуп, темир устачылыкка (темир ж. б. материалдарды) ж-а жыгач устачылыкка (жыгач материалдарды иштетүүгө) арналат. Верстакта керектүү аспаптар, жасалгалар, материалдар, тетиктер, техникалык документтер сакталат. Бир орундуу Верстактын бийиктиги 0,8 – 0,9 м, туурасы 0,7–0,8 м, уз. 1,2–1,5 м. Эки же андан көп орундуу Верстактардын өлчөмдөрү тиешелүү түрдө чоӊойтулат. Азыркы учурда көтөрүп жүрүүчү Верстак кеӊири колдонулууда.