ВАТТО

Кыргызстан Энциклопедия жана Терминология Борбору дан
09:13, 12 Август (Баш оона) 2024 карата Lera (талкуу | салымы) тарабынан жасалган версия
(айырма) ← Мурунку нускасы | Соңку нускасы (айырма) | Жаңыраак нускасы → (айырма)
Навигацияга өтүү Издөөгө өтүү

ВАТТО́ Жан Антуан (10.10.1684, Франция, Валансьен – 18.7.1721, Парижге жакын Ножан сюр-Мари) – француз сүрөтчүсү, живописчи, график. Королдук көркөм сүрөт академиясынын

А. Ватто. «Мецетен». 1718-жыл чен. Метрополитен музей (Нью-Йорк).

мүчөсү (1717). Анын чыгармачылыгынын өркүндөшүнө, көз карашынын калыптанышына П. П. Рубенстин чыгармаларынын таасири тийген. 1717-жылы «Киферу аралына зыярат» (Париж, Лувр) аттуу чоӊ сүрөтү үчүн академик наамын алган. «Суур кармаган Савояр» (1716, Ленинград, Эрмитаж), «Жоокердик өргүү» (Москва, Мамлекеттик көркөм сүрөт искусство музейи) жана башка туӊгуч чыгармалары Ваттону көрүүчүлөргө таанымал кылган. Көрүнүктүү эмгектери: «Э. Ф. Жерсендин дүкөнчөсүнө илинген такта» (1720, Мамлекеттик музейлер, Берлин), «Кыштактагы үйлөнүү тою», «Махабат майрамы» жана башкалар.


Ад.: Немилова И. С. Ватто и его произведения в Эрмитаже. Л., 1964; Федотова Е. А. Ватто. М., 2002.