ГАН

ГАН Пётр Алексеевич [1916, Крым, Алупка – 1991, Фрунзе (азыркы Бишкек)] – биология илимдеринин доктору (1966), профессор (1968). КРдин илимге эмгек сиӊирген ишмери (1990). Красноярский токой-техникалык институтун бүтүргөн (1941). Өзгөн токой чарбасында директор, Кыргыз ССР ИАнын Биология институтунда директордун орун басары, токой бөлүмүнүн башчысы болуп иштеген. Токой чарбасы боюнча адис. 70тен ашык илимий эмгеги, анын ичинен 4 монографиясы жарык көргөн.

Эмг.: Опыт горного лесоразведения, интродукция в поясе еловых лесов Прииссыккулья. Ф., 1957; Леса Киргизии//Леса СССР. М., 1970.