ГАНЧ

ГАНЧ (түркчө гипс) – курамында топурак ж-а гипс аралаш, майдаланган таш сымал тоо текти бышыруу м-н алынган ак, илээшкек материалдын аталышы. Ганчтын суу кошулган эритиндиси тез формага келет ж-а тез катат; сууланган Ганчты кесип алуу жеӊил ж-а ыӊгайлуу. Илгертеден эле шыбоо үчүн материал катары колдонулат. Оймолоп-чиймеленген кооз буюмдар алынат, скульптура жасалат.