ГВИНЕЯ БУЛУӉУ

ГВИНЕ́Я БУЛУӉУ Атлантика океанынында, Экватордук Африканын жээгинде, Пальмас тумшугунан (Либерия) Лопес тумшугуна (Габон) чейин созулат. Аянты 753 миӊ км². Тереӊдиги 5207 м. Биафра ж-а Бенин булуӊдарына бөлүнөт. Аралдары (Биоко, Принсипи, Сан-Томе ж. б.) көп. Вольта, Веме, Нигер дарыялары куят. Суткасына эки жолу ташкындайт (2,7 мге чейин). Негизги порттору: Тема, Аккра, Такоради (Гана), Ломе (Того), Лагос (Нигерия), Либревиль (Габон).