ГРАСС ГЮНТЕР
ГРАСС ГЮ́НТЕР (16.10.1927-жылы туулган, Данциг, азыркы Гданьск – 13. 04. 2015-жыл, Любек, Германия) – немец жазуучусу, сүрөтчү, скульптор (Батыш Берлин). Нобель сыйлыгынын лауреаты (1999). «Мышык-чычкан» (1961) повестинде, «Калай барабан» (1959), «Катаал жылдар» (1963), «Наркоз менен» (1969), «Үлүлдүн күндөлүгүнөн» (1972) романдарында социалдык өнүгүүнүн реалдуу альтернативасын көрсөтпөстөн, Германия Федеративдүү Республикасынын турмушунун терс жактарын, улутчулдукту катуу сындаган. «Камбала» (1977) аттуу роман-притчасы, «Тельгтедеги жолугушуу» (1979) тарыхый-фантастикалык повести бар. «Чексиз талаа» (1995) романында өмүр бою Германия Демократиялык Республикасында жашаган адамдардын бириккен Германиядагы жашоо-турмушу, адам психологиясынын татаал жактары сүрөттөлөт. Көптөгөн ыр жыйнактардын жана пьесалардын да автору.
