ГУСАНДАР
ГУСАНДАР – байыркы жана орто кылымдагы армян эл ырчылары. Алгач Гисанэ кудайдын храмында кызмат кылгандар, ал эми эллинизм доорунда тамашалуу жана шылдыӊкор оюндарга катышкандар Гусандар деп аталган. Байыркы армян адабий эстеликтеринде гусан ырлары жөнүндө маалыматтар сакталган. Гусандар музыкалык аспаптардын коштоосу менен ырдашкан. XVII кылымдан армян эл ырчылары ашуг деп атала баштаган.

