ГЕОМЕТРИЯЛЫК СТИЛЬ
ГЕОМЕТРИЯЛЫК СТИЛЬ – байыркы грек вазописинин (карапа чийүүсүнүн) өнүгүүсүндөгү алгачкы стадия. Геометриялык стилдеги эстеликтер б. з. ч. 2- миӊ жылдыктан 8-кылымга чейинки мезгилге таандык. Бул стилдеги жасалга өз ичине геометриялык орнаментти камтыган, ал эми кийин адамдар
дын ж-а айбанаттардын өтө схемалаштырылган сүрөттөрү тартылган горизонталдык тилкелерден турган. Кеӊири мааниде, термин ошол эле мезгилдин башка бир типтеги эстеликтерин (мисалы, сыйынуу үчүн кызмат кылган майда скульптураны) атап көрсөтүү үчүн колдонулган.