ГЕРМЕС-ПРОФИ

Кыргызстан Энциклопедия жана Терминология Борбору дан
03:37, 19 Сентябрь (Аяк оона) 2024 карата Temirkan (талкуу | салымы) тарабынан жасалган версия
(айырма) ← Мурунку нускасы | Соңку нускасы (айырма) | Жаңыраак нускасы → (айырма)
Навигацияга өтүү Издөөгө өтүү

ГЕРМЕС-ПРО́ФИ – Кыргыз Республикасынын профессионалдык спорт клубу. 1996-жылы А. Воинов уюштурган ж-а жетекчиси. Гермес-Профи спорт клубу кикбоксинг ж-а ушу-санда боюнча тандалып алынган спортчуларды машыктырат. Бул клубдун негизги демилгеси спортко кызыккандардын ден соолугун чыӊдоо, спортко болгон сүйүүсүн бекемдөө, дүйнөгө таанымал спорт чеберлерин даярдоо ж-а аларды коомдогу терс көрүнүштөрдөн (наркомания, алкоголь ж. б.) арылтуу. Гермес-Профинин

Кикбоксинг б-ча Бишкекте өткөрүлгөн дүйнө чемпионатына (1999) катышкан Кыргызстан спортчулары.

спорт чеберлери дүйнө чемпионатына (1995, Киев; 1997, Белград; 1999, Бишкек; 2001, Италия; 2003, Украина); Европа чемпионатына, дүйнө кубогунун биринчилигине ж. б. эл аралык мелдештерге катышып келүүдө. Ал Кыргыз Республикасына эмгек сиӊирген 6 спорт чеберин ж-а 10дон ашык дүйнө чемпиондорун даярдаган. Дүйнөнүн биринчи чемпиону Кыргызстандан Ш. Шабанов, андан соӊ – Ж. Амантаев, М. Борбашев, А. Ибраев, И. Мамбетов, Р. Абасов, М. Сүйүнбаев, А. Порсуков, У. Худояров, Т. Дүйшекеев, К. Сыдыгалиев ж. б. Клубдун демилгеси м-н Кыргызстанда 10 эл аралык беттеш, 20дан ашык эл аралык турнир, анын ичинен эӊ көрүнүктүүсү «Кикбоксинг боюнча Королдордун Королу» турнири (кикбоксинг боюнча королдордун таажысына Ш. Шабанов ж-а Ж. Амантаев алгачкылардан болуп арзыган) ж-а кикбоксинг боюнча XII дүйнө чемпионаты өткөрүлгөн (Бишкек, 1999). Бул чемпионатка 30дан ашык мамлекеттердин спортчулары катышып, Кыргыз Республикасынын курама командасы (4 алтын медаль) жалпы командалык эсепте 1-орунга татыган. Учурда Гермес-Профи спорт клубу жаӊы спорт чеберлерин даярдоодо.
Б. Үсөнканов.