ГЛАУКОНИТ

ГЛАУКОНИ́Т , г л а в к о н и т (гр. glaukjs – көк жашыл) – гидрослюдалар тобундагы минерал; темирдин суулуу алюмосиликаты. Химиялык формуласы (K, Na, Ca)(Fe³⁺, Mg, Fe²⁺, Al)₂[(Al, Si) Si₃O₁₀](OH)₂•H₂O. Моноклин сингониясында кристаллданат. Өӊү жашыл, саргыч жашыл, кээде түссүз. Катуулугу

Моос шкаласы боюнча 2–3; тыгыздыгы 2,2–2,9 г/см². Морт Глауконит негизинен деӊиз түбүндө пайда болгон чөкмө тоо тектерде (акиташ теги, кумдук, алевролит ылай ж. б.) кезигет. Сууну өзүнө сиӊирип ж-а катион алмаша ала тургандыктан, Глауконит туздуу сууларды тазартууда, курамында калий арбын болгондуктан, жер семирткич катары ж-а жашыл боёк даярдоодо колдонулат.