ГРЯЗНОВ
ГРЯЗНО́В Михаил Петрович (13. 3. 1902, Россия, Тюмень облусу, Ханты-Манси автономиялык округу, Березово кыштагы – 18. 8. 1987, Санкт-Петербург) – орус окумуштуусу, археолог, тарых илимдеринин доктору (1945). 1925-жылы Санкт-Петербург университетин бүтүргөн. 1925–1953-жылдары Мамлекеттик орус музейинин, Материалдык маданият тарыхы мамлекеттик академиясынын, Эрмитаждын илимий кызматкери, бөлүм башчы, 1953–1984-жылдары СССР Илимдер академиясынын Археология иннститутунда, СССР Илимдер академиясынын Президиумуна караштуу Археология изилдөө бөлүмүндө илимий кызматкер болуп иштеген. Ал XX кылымдын аягында Кыргызстандагы сак, усун эстеликтерине изилдөө жүргүзгөн. Анын илимий эмгектери негизинен коло доору мезгилиндеги Орто Азиянын жана Түштүк Сибирь көчмөн урууларынын тарыхын, маданиятын жана чарбасын изилдөөгө арналган.
