ГОМОЛОГИЯ

ГОМОЛО́ГИЯ ( гомо... ж-а ...логия) п р о е к ц и я л ы к г е о м е т р и я д а – проекциялык тегиздикти өз ара бир маанилүү проекцияга өзгөртүп түзүү; мында Гомология огу кыймылсыз бойдон калат. Гомологияда теӊдеш өзгөртүп түзүү болуп эсептелбеген бардык тиешелүү чекиттерди туташты

руучу түз сызыктар ($A$ ж-а $A'$, $B$ ж-а $B'$) Гомологиянын борбору болгон $S$ чекитинде, ал эми тиешелүү түз сызыктар ($AB$ ж-а $A'B'$) Гомология огунда кесилишет. Эгерде $S$ борбору Гомология огунда жатпаса, анда Гомология өзгөчө эмес (гиперболалык); Гомология огунда жатса, анда өзгөчө (параболалык) деп аталат (к. сүрөт). Гомология адатта $S$ борбору, огу ж-а дал келүүчү $A,A'$эки чекити м-н берилет. Гомология өздүк (чектүү) борбору ж-а өздүк эмес (чексиз алыстатылган) огу м-н берилсе гомотетия, өздүк эмес борбору ж-а өздүк огу м-н берилсе параллель которуу болот. Тегиздикти ар кандай проекциялык өзгөртүп түзүү эки өзгөртүп түзүүнүн – Гомологиянын ж-а жылдыруунун көбөйтүндүсү болот. Гомология т о п о л о г и я д а – көптүктөрдү чектөө жөнүндөгү элестетилген көз карашты формалдаштыруу.