ВОЙНИЧ

ВО́ЙНИЧ Этель Лилиан (11.5.1864, Ирландия, Корк – 28.7.1960, Нью-Йорк) – англ. жазуучу. Англ. математик Ж. Булдун кызы, поляк ре­волюционери М. Войничтин аялы. 1887–89-ж. Россияда, 1920-жылдан Нью-Йоркто жашаган. Анын мыкты чыгармасы «Сайгак» (1897) рома­нында 19-кылымдын 30–40-жылдарындагы итал. революционерлердин баатырдык образын түзгөн. Роман жаштардын бирден бир сүйүктүү китеп­теринен болуп, спектакль, фильм, опералардын адабий негизи катары пайдаланылган. «Ж. Реймонд» (1901), «Оливия Лэтам» (1904), «Үзүлгөн достук» (1910), «Бут кийимиңди чеч» (1945) ат­туу романдардын да автору. Ал бир нече муз. чыгармаларды, а. и. «Вавилон» ораториясын (1948) жазган. М. Ю. Лермонтов, Н. В. Гоголь, Т. Г. Шевченко, Ф. М. Достоевскийдин чыгар­маларын англис тилине которгон.