ГИГАНТИЗМ

ГИГАНТИ́ЗМ – гипофиздин алдыӊкы бөлүгү өсүү гормонун көп чыгарганда кишинин боюнун күчөп өсүшү. Гигантизмди бийик бой м-н алмаштырууга болбойт. Аны м-н ооругандардын ата-энесинин бою нормада болот. Көбүнчө эркектерде 9–10 жашында же жыныстык жетилүү убагында байкалып, бүт физиологиялык өсүү мезгилине созулат. Алардын ден соолугу начар болуп, башы, буту, колу ооруйт, алы кетет, бат чарчайт, . Булчуӊдары адегенде күчтүү болуп, кийин алсызданат; эске тутуусу, психикасы начарлайт, жыныс функциясы бузулат. Дене түзүлүшү пропорциясыз болуп, буту узун, башы кичине көрүнөт. Дарылоодо гормон дарылары м-н рентген терапияны айкалыштыруу жакшы натыйжа берет.