ВИСКИ
ВИ́СКИ (англ. whisky, лат. аqua vitae – өмүр суусу) – негизинен Англия м-н АКШда таралган күчтүү, спирти 40–50% болгон алкоголдуу ичимдик. Ал дан эгиндеринин ачытылган ширесин бууландыруу жолу м-н алынат. Виски даярдоо үчүн бууландыруучу ж-а ректификациялоочу ар түрдүү аппараттар колдонулат. Вискинин бардык түрлөрүнө арпанын угуту кошулат. Жетилген Вискиге химиялык таза суу, тазартылган спирт, кээде жыттуу заттар (экстракт) ж-а шарап аралаштырылып, керектүү сапат камсыз кылынат.