БАЙТИК (Аламүдүн районундагы кыштак)
БАЙТИК , О р т а л ы ш - Чүй обл-нун Аламүдүн р-нундагы кыштак. Байтик айыл өкмөтүнө караштуу. Аларча суусунун сол жээгинде, деңиз деңг. 1160 м бийиктикте жайгашкан. Райондун борбору Лебединовка кыш-нан 25 км түш.-батыш тарапта. Бишкек ш-нан 20 км. 1850-ж. отурукташкан. Калкы 2264 (2005); негизинен жашылча өстүрүүдө эмгектенет. Орто мектеп, кесиптик-тех. окуу жайы, балабакча, бейтапкана, мад-т үйү, китепкана, универмаг, ашкана, турмуш-тиричилик комбинатынын бөлүмдөрү бар.