ГУН-БИ

ГУН-БИ (сөзмө-сөз «чебер кылкалем») – кытай улуттук живописинде кеӊири тараган стиль. Өтө жука, чоӊ чебердик м-н тартылган контур ачык түстөгү паста сымал боёктор м-н айкалышат. Г.-б-ге деталдарды тартууда тактык ж-а дааналык мүнөздүү. Контур м-н чийилген түстөрдүн чеги фигуралар м-н предметтерди сүрөттө жалпак, ал эми бүт картинаны жасалгалуу кылып көрсөтөт. Г.-б. өзүнүн ачык түстүүлүгү ж-а жасалгалуулугу м-н чыгыш миниатюрасын элестетет. Г.-б. стили көбүнчө жанрдык живописте колдонулган. Кээ бир учурда бул стилди «куштардын жана гүлдөрдүн живописи» деп аталган пейзаждарда да пайдаланышкан. Г.-б. живописинин негиз салуучусу Ли Сы-сюнь (7–8-к-дын башталышы) болгон, кийин бул стилде Чжао Бозцю (9-к.), Су Хан-чень (12-к.), Вонь Чжэньпен (14-к.), Чоу Ин (16-к.), о. эле Мин ж-а Цин доорлорунун сүрөтчүлөрү иштешкен. Азыр бул стиль гохуа живописине кирет.