БАЛДАР АЙЫЛЫ
БАЛДАР АЙЫЛЫ - томолой жетим же атаэнесинин биринен ажырап, кароосуз калган балдар үчүн шарты үйбүлөдөгү абалга жакын уюштурулган мекеме. Мындай Б. а. 1949-ж. биринчи жолу австриялык педагог Герман Гмайнер тарабынан уюштурулган. Герман Гмайнер дүйнөдөгү алдыңкы пед. жетишкендиктерге таянып, жетим же ата-энеси тарабынан багуусуз калган балдар үчүн тарбия системасын түзгөн. Азыркы күндө дүйнөдөгү 120 мамлекетте Б. а. бар. Кырг-нда 2000-ж. Бишкек ш-нда, 2002-ж. Чолпоната ш-нда Б. а. уюштурулган.