БАЛДАР КИНОСУ
БАЛДАР КИНОСУ - балдар ж-а өспүрүмдөр үчүн атайын тартылган фильм. Балдар киносуна көркөм ж-а мультипликациялык, хроника-да-
ректүү, ил.-таануу фильмдери кирет. Адатта балдар киносунун негизин балдар адабияты түзөт. Мурда Б. к-н тартуу үчүн атайын киностудиялар иштеген. Кырг-нда балдар үчүн бир нече фильм тартылган. Алардын эң мыктыларынын сабына «Космонавттар көчөсү», «Кетирекей», «Атадан калган туяк», «Көзайнекчен» (1972, реж. А. Видугирис), «Айдагы жезкемпир» (А. Жакыпбековдун ушундай аталыштагы повести б-ча), «Ат жалын бек карма» (реж. Б. Карагулов) ж. б. көркөм тасмалары кирет. Д. Асано ванын «Ленфильм» студиясында жараткан киночыгармаларынын («Мадырабаштар» ж. б.) да кандайдыр бир деңгээлде кыргыз улуттук киносуна тиешеси бар. Биринчи кыргыз мультфильми - «Сандардын чатагы» (реж. С. Ишенов, 1977). Чет өлкөлүк балдар фильмдери, а. и. мультфильмдер кыргыз тилине которулган. Дүйнө жүзүндө Б. к-на бөтөнчө көңүл бөлүнөт. АКШда 1923-жылдан Уолт Дисней ачкан киностудияда балдар үчүн мультфильмдер тартылууда. Анын Микки Маус ж-дөгү сериалдары белгилүү. Индистанда 1955-ж. Б. к-нун коому уюштурулган. Б. к. Австралияда, Иракта, Венесуэлада, Бангладеште, Жаңы Зеландияда, Шри-Ланкада, Түркияда, Германияда, Чехия м-н Словакияда ж. б. өлкөлөрдө жакшы өнүгүүдө.
А. Пазылов.