БАЛТА
БАЛТА — жыгачты кесүү, жаруу ж. б. үчүн колдонулуучу эмгек куралы. Ал курч темирден жазы жагы миздүү, экинчи жагы уңгу саптаганга ылайык көзөнөгү м-н жасалып, жыгачка сапталат. Б-нын акбалта, карабалта, айбалта деген түрлөрү бар. Б. отун кесүүгө, жарууга ж-а устачылык кылууга колдонулат. Кара Б. чоң отундарды жаруу үчүн пайдаланылат. Б. палеолит доорунда эле пайда болуп, адегенде таштан, колодон, кийин темирден жасалган. Б-нын сабы кармоого оңтойлуу, чабууга эптүү, уз. 4060 см. Ак Б. куралы кыргыздарга орустардан келген. Ошондуктан аны адегенде орус Б. деп да аташкан.