БАЛЫК ЧАРБАСЫ

БАЛЫК ЧАРБАСЫ - айыл чарбанын балык өстүрүүчү ж-а аларды көбөйтүп, тукумун жак­шыртуу ишин жүргүзүүчү тармагы. Табигый ж-а жасалма көлмө Б. ч-на бөлүнөт. Табигый көлмө Б. ч. дарыя, көл, суусактагыч ж-а деңиз­де балык запасын көбөйтөт. Азыркы Б. ч. балык өстүрүүчү көлмөнү мелиорациялоо ж-а ба­лыктын жаңы түрүн байырлаштыруу иштери м-н бирге комплекстүү жүргүзүлөт. Мелиорация­нын натыйжасында балыкты табигый көбөйтүү шарты жакшырат, урук чачуучу жайларда ту­руктуу суу режими түзүлөт. Колдо өстүрүү максатында көл жээктерине балык з-ддору курул­ган. Алар урукту инкубациялоо ж-а табигый көлмөлөргө коё берилүүчү майда балыктарды чоңойтуу ж. б. иштерди жүргүзөт. Севан көлүнөн (Армения) Ысыккөлгө алынып келген жилин­гир (форель) балыгы жакшы байырлашып, ай­рымынын салм. 24 кг га чейин жеткен.

Балыктар: 1 — пиранья; 2 — сөөлдүү балык; 3 — сары тригла; 4 — өзөн окуну; 5 — көл жилин­гири; 6 — зебра балык; 7 — чавыча; 8 — чоң лет­рип; 9 — курөң терпунг; 10 — кызыл тай; 11 — таймень; 12 — сары тил­келүү балык; 13 — ак дөңмаңдай балык; 14 — жыланбаш балык; 15 — ак амур.

Токто­гул, Киров ж. б. суусактагычтарында Б. ч. өнүгүүдө. Балыкты тоюттандыруу, өстүрүү, көлмөнүн азыктуулугун арттыруу ж. б. маселе­лерди атайын ил.-из. мекемелери иштеп чыгат.
Ад.: Иманов Ж. Кыргызстандын балык чарбасы. Ф., 1980; Таиров М. Т. Рыбоводство и рыболовство. А.-А., 1985.