БАКТЕРИЦИДДЕР
БАКТЕРИЦИДДЕР - бактерияларды ж. б. микроорганизмдерди жок кылуучу химиялык каражаттар. Алардын бактерияга көрсөткөн таасири ар түрдүү. Клетка кабыгын, клетканын бөлүнүү процессин бузат; цитоплазмадагы белокко таасир берет; белок денатурациясын, коагуляциясын пайда кылат. Дезинфекция каражаттары катары медицинада, тамак өнөр жайында, ошондой эле айыл чарбада үрөндү, топуракты дезинфекциялоодо колдонулат. Буларга спирт, формалин, суутек өтө кычкылы, антибиотиктер ж. б. кирет.