БАЗАРОВ Геннадий
БАЗАРОВ Геннадий Садырович (14. 5. 1942-жылы туулган, Нарын облусу, Ат-Башы району, Ат-Башы айылы - 5.02. 2023, Бишкек) - кинорежиссёр, сценарист, КРдин эл артисти (1991), КРдин искусствого эмгек сиңирген ишмери (1974). 1966-жылы Москвадагы Бүткүл союздук мамлекеттик кинематография институтун бүткөн. Эмгек жолун 1959-жылы «Кыргызфильм» киностудиясында баштаган. 1967-жылы «Саманчы жолу» фильмин дипломдук иши катары тарткан. «Буктурма» (X. Булатов, Дегальцев, А. Шаршенова, 1966), «Көчө» (М. Гапаров, 1973), «Биринчи» (Г. Базаров, Л. Дядюченко, 1984), «Көз кареги» (Л. Дядюченко, 1975), «Каныбек» (К. Өмүркулов, К. Жантөшевдин романы боюнча), «Айың» (1989), «Аномалия» (1991), «Карагыз» (2005) ж. б. көркөм фильмдерди ж-а «Антракт» (1994), «Түндө» (1995), «Искусство жөнүндө баян» (1974), «Жазуучу» (1980), «Чыңгыз Айтматов» (1980) кыска метраждуу новеллаларды, даректүү фильмдерди ж. б. тарткан. Маданият ж-а искусствонун ишмерлери А. Токомбаев, Н. Байтеми-
ров, А. Темирова, Г. Ажыбекова ж. б. жөнүндө портрет галереясын түзгөн, повесттери да бар. Акыркы жылдарда Кыргыз телерадиокомпаниясында иштеп, автордук «Альтернатива» программасын алып барган. «Ардак Белгиси» ордени м-н сыйланган.