БАЙКООЧУЛАР КЕҢЕШИ
БАЙКООЧУЛАР КЕҢЕШИ - акционердик коомдун башкармасын контролдоочу орган. Байкоочулар кеңеши жеке адамдардан гана туруп, мүчөлөрүнүн ар бирине өзгөчө жоопкерчилик жүктөлөт. Коомдун башкармасынын мүчөлөрү кеңешке кирүүгө тыюу салынат. Байкоочулар кеңешинин мүчөлөрү акционерлердин жалпы чогулушунда шайланат. Байкоочулар кеңеши башкарманын мүчөлөрүн дайындоого же бошотууга, товар баалуулуктарын түгөлдөөгө, акционерлердин жалпы чогулушун өткөрүүгө укуктуу. Коомдун уставы Байкоочулар кеңешинин макулдугу м-н башкарма тарабынан ишке ашырылуучу операция түрлөрүн кароосу мүмкүн.