БАКАЙЫР

БАКАЙЫР - Кара-Буура районундагы суу, Талас суусунун сол куймасы. Узундугу 43 км, алабынын аянты 196 км². Талас Ала-Тоосунун түндүк капта­лынан башталат. Жогорку агымы кууш капчы­гай аркылуу шар агат. Төмөнкү агымында нугу кеңейип, тайыздайт. Жалпы узундугу 33 км, 13 өзөн куят. Ирилери: Куру-Бакайыр, Суулу-Бакайыр. Май айында кирип, октябрда тартылат. Жылдык орточо чыгымы 0,70 м³/сек; эң көбү 1,19 м³/сек, эң азы 0,20 м³/сек. Акчий кыштагы тушта сугатка бөлүнөт. Боюнда Бакайыр кыштагы жайгашкан.