БАЛМУЗДАК
БАЛМУЗДАК – сергиткич десерт тамак-аш. Ал жагымдуу даамы менен катар жогору калориялуу, жеңил сиңимдүү; Балмуздактын көп түрүндө организмге керек белок, май, углевод, минерал туздар ж-а витаминдер бар. Балмуздактын негизги сырьёсу – сүт продуктулары, кант, жаңы үзүлгөн же тоңдурулган жер-жемиштер, кыям, шоколад, жаңгак, бадам, цукат, жумуртка, стабилизаторлор (агар), жыт бергич заттар жана башкалар. Сырьёдон белгилүү өлчөмдө аралашма даярдалат, ал пастерленет, гомогенделет; «Жумшак» Балмуздак идишке салынат же атайын кагаздарга оролуп, формага келтирилет да, муздаткыч камерада сакталат.
