БАЛА-САРЫ
БАЛА-САРЫ — Талас облусунун Манас районундагы кыштак. Покровка айыл өкмөтүнө караштуу. Талас суусунун боюнда, деңиз деңгээлинен 863 м бийиктикте жайгашкан. Райондун борбору Покровка кыштагынан 5 км түштүк тарапта, Жамбыл темир жол бекетинен 34 км. 1910-жылы отурукташкан. Калкы 1959 (2022); негизинен тамекичиликте эмгектенет. Негизги мектеп, ФАП, китепкана, мончо бар. Улуу Ата Мекендик согушта курман болгондорго эстелик тургузулган.