БАЛТИКА КАЛКАНЫ
БАЛТИКА КАЛКАНЫ - Чыгыш Европа платформасынын түндүк-батыш тарабындагы кембрийге чейинки мезгилде бүктөлүүгө дуушар болгон фундаменттин жер бетине чыгып жаткан аймагы. Россиядагы Карел Республикасы, Мурман ж-а Ленинград облустарынын батыш бөлүктөрүн, Финляндия ж-а Швециянын аймактарын ээлейт. Балтика калканы архей м-н протерозой замандарынын метаморфизмделген ж-а татаал өзгөрүүлөргө, бүктөлүүлөргө учураган гнейс, кристаллдуу сланец сыяктуу тоотектерден турат. Балтика калканында темир (Швеция), жез-никель ж-а апатит (Хибинде, Россия) кендери бар.